رواية وعد الفصل السادس 6 الجزء الثاني بقلم عزة العربي
روايه وعد❤️
الجزء الثاني
بعنوان القلب له واحد
بارت 6
بقلمي عزه العربي.
ڤيلا الديب.
يحيي غمز لوعد : مالك يا حبيبتي الكل بيتكلم انتي سرحانه في ايه
وعد انتبهت: هاا مش سرحانه ولا حاجه
يحيي بص في عيونها بتركيز: في ايه ؟!
وعد: ابدا حاسه اني قلبي مقبوض ادم أتأخر اوي النهارده وكان قايلي أنه هيخلص بدري وييجي علي طول بكلمه تليفونه مقفول خايفه ليكون حصله بعد الشر حاجه وحشه
يحيي بابتسامة: اطمني ادم في المستشفى بلغوني أنه بيعمل عمليه
وعد حطت أيدها علي بوءها: معقول ....معقول يا يحيي انت متأكد
يحيي: اممم انا كنت واثق أنه مسيره يرجع في يوم من الايام
وعد : الحمد لله اللي مر بيه مكنش سهل حب حياتي من صغره ماتت قدامه في المستشفى ومن يومها وهو يا حبيبي اتعقد وكان هيسيب الطب بس غريبه يعني اكيد المريض غالي عليه جدا
يحيي اكتفي بهز أكتافه وسكت
وعد: انت ...اخ منك انت عارف كل حاجه بتحصل وساكت
فهد من وراهم: شجره واتنين ليمون هنا
وعد بخضه: انا هحتاج فعلا ليمون بعد الخضه دي
فهد باسها في خدها ويحيي بيجز علي أسنانه : سلامه قلبك يا وعدي
يحيي بغيظ وهو بيمسكه من ياقه قميصه: انت يالا مبتفهمش قلتلك مليون مره بلاش تقوللها وعدي
فهد فك ايد يحيي وعدل ياقه قميصه: بالراحه بس عالقميص يرضيك المزه بتاعتي تشوفني كده
احمد : ابوها وامها شافوك وانت بتتهزأ اتكسف علي دمك بقي
فهد بضحك: حمايا وحماتي ويعرفوا كل قازوراتي عاااااتي
احمد: عن ابو برودك يا اخي
الكل ضحك عليهم
فهد : انا ماشي بقي يا بشر عشان متأخرش علي مزتي
احمد: بيقول مزتي تاني ماشي يا بن الديب وربي شكلي هفض الخطوبه دي وارتاح منك
زين: قلبك ابيض
احمد: بلا ابيض بلا اخضر بقي
يحيي بمكر: انا شايف برضوا انك مش مرتاح يا بن السيوفي انا بقول نفضها
فهد شنق وهو بيشرب
وعد: اسم الله عليك يا حبيبي
فهد قرب من يحيي وأتكلم بهمس: كل دا عشان وعدك
يحيى: ايوه كده اضبط وعدي انا مش وعدك انت
في بيت يونس.
الساعه ١ بعد منتصف الليل.
يونس فتح بالمفتاح ودخل وكان باين علي وشه أنه حزين جدا
نور بلهفه: انت إجيت ؟!
يونس من بين أسنانه: لا
قعد على كرسي يقلع الشوز
نور: مش قصدي يعني ...اصل يعني انا بجدد قلقانه جدا جدا يعني هي حور مالها ممكن تطمني
يونس حس خوفها: عملت الزايده
نور: اوووبس طب وهي عامله ايه دلوقت وطنط فين
يونس: في المستشفى
نور: انت بترد كده ليه متتكلم علي طول وتحكيلي ايه اللي حصل بالضبط
يونس وكأنه مسمعش ولا كلمه قام وقف واتحرك دخل اوضته وقفل الباب جامد وراه
نور كانت ماشيه وراه وهي بتتكلم لما فتح الباب وقفت والباب اتقفل وهي قدامه
نور:حقيقي انسان قليل الذوق
يونس من ورا الباب سمعها وابتسم علي نرفزتها مش عارف ليه مبيحبش يشوفها وهي هاديه بيحبها دايما مهيبره صوتها عالي كل حاجه فيها حلوه عيونها بشرتها شعرها الطويل غمازتها اللي في خدها الشمال مش بيضايق بس غير من ردها عليه الكلمه عشره دايما بتحسسه أنه رئيس عصابه ودا بيعصبه منها جدا
رجعت خبطت علي بابه تاني بنرفزه : طيب انا عاوزه اطمن عليهم اعمل ايه
يونس مسك تليفونه واتصل بحنان وفتح الباب وادالها التليفون من غير ما يتكلم
ودخل اوضته تاني وقفل الباب
بعد دقائق نور خبطت علي الباب
يونس فتح وبصلها
نور: معلش الخط قطع والتليفون ببصمتك يعني ممكن تفتحه
يونس فتحه من غير تفكير واداهولها ودخل يكمل اللي كان بيعمله
نور بعد شويه وقت كلمت حنان واطمنت عليهم وعرفت ان حور لسه مفاقتش وعرفت حنان انها هتجيلهم الصبح وخبطت عليه اديتله تليفونه
في المستشفى.
ادم مقدرش يروح قلبه كان واجعه وزكرياته محوطاه من كل مكان قاعد في اوضه مكتبه سرحان دكتوره آيه خبطت ودخلت ودي الصديقه المقربه ليه
آيه: احم احم ممكن ادخل
ادم: اممم انتي دخلتي خلاص
آيه: الفضول هيقتلني احكي بسرعه
ادم: احكي ايه مفيش حاجه تتحكي
آيه: هههههههه لا والله اصدق انا بقي
ادم: صدقيني مفيش حاجه
آيه: مين حور
ادم: حوور ....امممم حور تلميذه عندي وقعت قدامي وانا لحقتها بي
آيه: بس .....انت عملتلها العمليه يا ادم رجعت ادم بتاع زمان
ادم: ادم بتاع زمان مات مع سها اللي قدامك دلوقتي شبيهه مش اكتر
آيه: ادم انت عارف انك صديق واخ غالي عليا افتح قلبك يا ادم واللي فات انساه انا حاسه انك داخل علي ايام حلوه حاول تعيش فيها
ادم : هههه يا بنتي انتي مكبره الموضوع اوي انتي ناسيه اني جراح ولا ايه عادي اني اعمل عمليه يعني
آية: الكلام دا تقوله لاي حد إلا أنا
احساسي بيقوللي انك معجب بيها وهي كمان وهي في البنج سمعتها بتقول ادم
يا ادم بعد وفاه سها انت رفضت تدخل اي عملية رغم إصرار الكل إلا أنك قررت تكتفي بمحاضرات الكليه ومتدخلش اي عمليات النهارده الكل اتفاجئ بيك انت اكيد ...
وكملت بغصه في كلامها......اكيد قلبك دق يا ادم افتح باب قلبك وحاول يا ادم بس تقف قدام قلبك واحساسك عن اذنك
ادم سرحان في كلامها
هو فعلا من اول يوم شاف فيه حور وقلبه دق بس دايما بيقول استحاله هيحب بعد حب عمره تاني معقول تكون فعلا نادت باسمه ولا كانت بتنادي علي ادم تاني
Flash back
ادم: مالك يا ساسو بكلمك سرحانه في ايه
سها: ادم انا مسافره بكره
ادم: مسافره فين يا حبيبتي
سها بدموع: ابدا ....بابي هينقل شغله اميريكا وهنعيش هناك
ادم بنرفزه: ازاي يعني يا سها طب وحياتنا استحاله توافقي علي حاجه زي انا هاجي مع اهلي واتقدملك ونتجوز وخليهم هما يسافروا
سها وقفت : اسفه يا ادم انا جيت النهارده عشان ابلغك اني مش......
وكملت بدموع وهي بتاخد نفس طويل.........انا مش بحبك يا ادم ان شاء الله تلاقي واحده ......احسن.......م.....مني.
ادم وهو بيخبط علي خدها : حووووور مالك انتي بتقولي حور فوقي انا مش فاهم حاجه حووووور فوقي
اخدها وجري علي المستشفى
الدكاتره بلغوه انها دخلت في غيبوبه وانا عندها كانسر وحالتها متأخرة جدا والعلاج مش هيعمل حاجه في حالتها دي
ادم قعد جنبها اسبوع كامل دقنه كبرت جدا حياته اتبدلت كان بيرفض أي حد من اهلها يقعد معاها كان بيكلمها كتير بيتمني من ربنا تفوق وترجعله تاني ويحققوا أحلامهم حس بحركه أيدها وشافها وهي بتفتح عينها ببطء
ادم بلهفه: حووور حبيبتي انا جنبك فتحي عيونك
وفعلا عطالها الحافز وكأنها كانت محتاجه تسمع صوته عشان تفوق
سها: ا...د...م .......سا...محني ......انا .......بحبك ......انا ......كدبت ......عليك .......انا ........عرفت .......اني....... هموت.......مش .....عوزاك ......تحزن.....عليا.....ادعيلي.......بس........وعيش .......حياتك ...
جهاز القلب عمل صوت
ادم بقي زي المجنون شد جهاز انعاش القلب بس خلاص الدكاتره طلعته برا الاوضه
بعد شويه الدكتور خرج وادم كان واقف زي المجنون
ادم وهو بيكدب نفسه: خير يا دكتور سها مالها طمني عليها هي كويسه صح
الدكتور بص في الارض: للاسف الحاله توفت
ادم مسكه من رقبته وضربه : انت عبيط انت بتقول ايه مين اللي توفت انت اكيد تقصد حد تاني ادخل ادخل اكشف علي سها ارجوك انا عاوزها عايشه ارجوك انا اموت إنما هي لا ادخل شوفها
الدكتور : شد حيلك يا استاذ عن اذنك
ادم دخل الاوضه ومسك أيدها: سها فوقي ارجوكي عاش خاطري فتحي عيونك سهاا..انتي بتموتي كل احلامنا بيتنا اللي حلمنا بيه عيالنا اللي هنخلفهم حياتنا اللي هنبنيها مع بعض سهاا قومي عشان خاطري عشان خاطر حبنا
ادم قعد عالارض وحضن ركبته بايديه سها انا هموت من غيرك صدقيني
فاق من شروده وقام يطمن على حور
حور بتفتح عينها وتقفلها تاني وهي بتتوجع : اممممم اه
حنان بلهفة: حور انتي كويسه يا حبيبتي
حور بوجع: ماما ..انا فين .....ايه اللي حصل
خبط ودخل وبصلها نظره طويله وحور مش فاهمه حاجه: حمد الله على سلامتك
حور: احم الله يسلم حضرتك هو في ايه انا مش فاهمه حاجه
حنان: دكتور ادم ربنا يفرح قلبه لما اغمي عليكي جابك المستشفى وعملك عمليه الزايده
حور حطت أيدها علي بطنها: يا لهوووي شيلتلي زيدتي عاااااااا
في بيت يونس.
تحديدا الساعه خمسه الفجر
نور كانت عطشانه جدا والمايه خلصت في اوضتها راحت المطبخ شربت وراجعه اوضتها سمعت صوت في اوضه يونس وكأن حد بيأن : اممممم اااه
كانت زي المجنونه واتضايقت جدا: معقول يكون جايب واحده يا خبر ابيض وفي لحظه ومن غير تفكير فتحت الباب واتصدمت.......
.................يتبع.
بقلمي عزه العربي.
_________""__________""_________"'
🙏🏻 اللهم أرزقنا ذكرك عند كل غفلة🌾
🤲🏻 وشكرك عند كل نعمة🌾
🤲🏻والصبر عند كل بلاء🌾
صلوا على من بكى شوقا لرؤيتنا❤️
